Gara e organizuar në liqenin e Badovcit, me moton "Catch and Release", ishte një ngjarje e veçantë që solli së bashku pasionantët e peshkimit nga rajoni dhe më gjerë. Kjo garë nuk ishte vetëm një sfidë sportive, por një përpjekje për të promovuar peshkimin si një aktivitet rekreativ që ndërthurë përgjegjësinë ndaj natyrës dhe komunitetit.

Falë mbështetjes së madhe nga IWRM-K dhe Demokracia Plus, të cilët i falënderojmë përzemërsisht për përkrahjen e tyre të vazhdueshme, kjo ngjarje arriti të sjellë një energji të re dhe t’i japë rëndësi të veçantë edukimit mjedisor dhe përfshirjes së brezave të rinj në aktivitete të qëndrueshme.

Gara u zhvillua me rregullat e praktikës ekologjike “kap dhe liro” (Catch and Release), duke siguruar që asnjë peshk të mos dëmtohej dhe duke theksuar rëndësinë e ruajtjes së biodiversitetit në liqenin e Badovcit. Përveç garës në vetvete, aktiviteti shërbeu edhe si një platformë edukative për të rinjtë dhe fëmijët, të cilët patën rastin të mësojnë më shumë për rëndësinë e mbrojtjes së burimeve ujore.

‍

"Ky aktivitet ishte më shumë sesa një garë, ishte një thirrje për ndërgjegjësim, përkushtim ndaj natyrës dhe promovim i vlerave të qëndrueshme. Të rinjtë që morën pjesë jo vetëm që u argëtuan, por mësuan se si mund të jenë mbrojtës aktivë të mjedisit përmes sportit që e duan."